امریکہ میں مائیکرو سافٹ نے "آئی ٹی ایکسپرٹ مینیجر برائے یورپ" کی ایک آسامی پر درخواستیں مانگیں۔ تقریباً پانچ ہزار امیدواروں نے درخواستیں جمع کروائیں۔ بل گیٹس اتنے امیدواروں کو دیکھ کر پریشان ہوگیا اور انہیں ایک بہت بڑے گراؤنڈ میں جمع کرکے ان سے مخاطب ہوا :
آپ سب کا بہت شکریہ۔ چونکہ یہ آسامی بہت ہی اہم اور ٹیکنیکل پوسٹ کے لیے ہے۔ لہذا آپ میں سے جو 'جاوا' جانتے ہیں، وہ موجود رہیں، باقی تمام حضرات سے معذرت، وہ جا سکتے ہیں۔
ایک پاکستانی بھی امیدواروں میں کھڑا تھا۔ اس نے سوچا مجھے جاوا تو نہیں آتا لیکن پھر بھی میں اگر رک جاؤں تو کیا حرج ہے۔۔۔!
چنانچہ وہ وہیں کھڑا رہا۔
جبکہ جاوا نہ جاننے والے ایک ہزار افراد ویاں سے چلے جاتے ہیں۔
بل گیٹس: ہماری آج کی مینیجر کی پوسٹ کے لیے مینجمنٹ کوالٹی بہت ضروری ہے۔ آپ میں سے وہ افراد جن کی ماتحتی میں کم از کم سو افراد ہوں، موجود رہیں، باقی سب جا سکتے ہیں۔
پاکستانی نے پھر سوچا کہ میرے تو گھر والے میرے ماتحت نہیں۔ لیکن چلو، رک جاتا ہوں، ممکن ہے کوئی جُگاڑ لگ جائے۔
امیدواروں میں سے مزید ایک ہزار افراد چلے جاتے ہیں۔
بل گیٹس: اس جاب کیلئے ہیومن ریسورس مینجمنٹ کی ڈگری لازمی ہے۔ صرف اس ڈگری والے رکیں باقیوں سے معذرت ۔
پاکستانی نے پھر سوچا کہ ڈگری وگری تو کوئی نہیں۔ مگر رک جانے میں کیا حرج ہے۔
ایک ہزار افراد مزید کم ہو گئے۔
بل گیٹس: ہمٰیں تجربہ کار مینجر کی ضرورت ہے۔ جس کے پاس کم از کم پانچ سالہ تجربہ ہے وہ رک جائے۔ باقی جا سکتے ہیں۔۔۔
پاکستانی پھر سوچتا ہے کہ تجربہ تو کسی کام کا نہیں لیکن جانے سے بہتر ہے کہ رک ہی جاؤں، شاید چانس بن جائے۔
ایک ہزار مزید افراد گراؤنڈ سے چلے گئے۔
بل گیٹس: گڈ۔۔۔! اب صرف ایک ہزار مناسب افراد بچ گئے۔ امیدوار کیلیے ضروری ہے کہ اسے یورپ کی کئی زبانیں آتی ہوں
یہ سن کر آخری ہزار میں سے پانچ سو افراد اٹھ کر چلے گئے۔ پاکستانی اردو پنجابی کے سوا کچھ نہ جانتا تھا۔ لیکن بہرحال پھر رک گیا۔
بل گیٹس: گڈ، آپ تمام افراد بنیادی شرائط پر پورا اترے۔ اب آخری شرط۔۔۔ وہی امیدوار رکے جو روسی زبان پر عبور رکھتا ہو۔
یہ سن کر چار سو اٹھانوے افراد اٹھ کر چلے گئے۔ جبکہ ہمارا پاکستانی اور اسکے علاوہ ایک اور آدمی بچ جاتے ہیں۔
اب آخری دو افراد اور بل گیٹس گراؤنڈ میں موجود رہ گئے۔
بل گیٹس: بہت خوب۔۔۔! آپ دونوں ان پانچ ہزار افراد میں سے سب سے زیادہ قابل نکلے۔ ویری گڈ۔۔۔ اب آپ دونوں ایک دوسرے سے روسی زبان میں بات چیت کریں ۔ جو زیادہ صحیح روسی زبان گرامر کے مطابق بولے گا، وہ منتخب کر لیا جائے گا۔
پاکستانی نے دوسرے بندے کو تولتی ہوئی نظروں سے دیکھا اور سوچا کہ جُگاڑ لگاتا ہوں، اب منزل قریب ہے۔
وہ دوسرے آدمی سے مخاطب ہو کر پنجابی میں بولا:
"ہاں بھئی اُستاد، کی حال چال اے۔۔۔؟"
دوسرے آدمی نے حیران کُن نظروں سے دیکھتے ہوئے جواب دیا:
"شُکر مولا دا، تُوں سنا۔۔۔"
No comments:
Post a Comment